بدلتے موسم میں کھانسی اور نزلے سے کیسے بچا جائے؟ جانیئے مصری کا وہ استعمال جو کر دے گا آپ کو بھی حیران
مصری عام طور پر مٹھاس کے لئے سونف سپاری اور مختلف میٹھی چیزوں میں استعمال کی جاتی ہے، لیکن کیا آپ نے کبھی سوچا ہے کہ مصری اور کس کام آ سکتی ہے؟ اگر نہیں تو آج ہم آپ کو بتائیں گے مصری کا ایک حیرت انگیز استعمال تو چلیں پھر شروع کرتے ہیں۔
مصری کا حیرت انگیز استعمال
جیسے ہی اکتوبر نومبر کا مہینہ آتا ہے موسم بدلنا شروع ہو جاتا ہے اور ہلکی سی سردی کا احساس ہونے لگتا ہے اور جوں ہی سرد موسم کی آمد ہوتی ہے تو گلے میں درد، کھانسی، نزلہ اور ٹھنڈ کی شکایت ہونا عام ہو جاتا ہے۔
ایسے میں مصری آپ کے بےحد کام آ سکتی ہے حکیم سالوں سے مصری کو صرف مٹھاس اور ذائقے کے لئے ہی نہیں بلکہ سردی سے بچنے، کھانسی دور کرنے اور بند گلے کو کھولنے کے لئے بھی استعمال کر رہے ہیں کیونکہ یہ مصری میٹھی تو ضرور ہوتی ہے مگر چینی کی طرح اس کا استعمال آپ کو نقصان نہیں پہنچاتا بلکہ فائدہ دیتا ہے۔
کھانسی، نزلہ زکام سے بچنے کے لئے مصری کا استعمال
مصری کھانسی نزلہ اور زکام کو دور کرنے کے لئے بہترین علاج تو ہے مگر اس کے لئے آپ کو اپنے باورچی خانے سے مزید بھی کچھ چیزیں اس میں شامل کرنی ہوں گے وہ کونسی چیزیں ہیں آیئے جانتے ہیں۔
سب سے پہلے مصری کو باریک پیس لیں، پھر اس میں پسی ہوئی کالی مرچ ملائیں ساتھ ہی اس میں تھوڑی مقدار میں گھی شامل کریں اب اس کو پیسٹ کی طرح بنائیں اور کھانے کے بعد اس کا استعمال کریں۔
اس کے علاوہ گلے کی خراش دور کرنے کے لئے اور جمے ہوئے نزلے کو ختم کرنے بند ناک کھولنے کے لئے پسی ہوئی مصری کو نیم گرم پانی میں ملا کر پی لیں۔