GherZaroori Baal Khatam Karne Ka Tarika
لڑکیاں اپنے چہرے پر اضافی بالوں کی وجہ سے خود پر اعتماد کرنا چھوڑ دیتی ہیں اور کی محفل میں جانے کے لئے کتراتی ہیں، کبھی سوچتی ہیں کہ جائیں تو حجاب یا نقاب کرلیں اور کبھی ماسک پہننے کا سوچتی ہیں اور کچھ تو ایسی بھی ہوتی ہیں جو سمانے سے چہرے کی ویکسنگ کروا لیتی ہیں پھر کہیں غلطی سے ان کا دوپٹہ یا اسکارف اتر جائے یا گرمی زیادہ ہونے کی وجہ سے وہ اس کو اتاردیں پھر اچانک لوگ دیکھ کر چونک اٹھتے ہیں اور باتیں بناتے ہیں جس سے یقیناً بُرا لگتا ہے۔
ان اضافی بالوں کو ختم کرنے کے لئے 3 طریقے ہیں یا تو تھریڈنگ اور ویکسنگ یا پھر لیزر اور چونکہ لیزر ایک مہنگا پراسیس ہے جس کو کروانے کے لئے اتنی سہولت ہونی چاہیئے البتہ مشہور ڈائٹیشن ڈاکٹر عائشہ اس حوالے سے لڑکیوں کو گھر بیٹھے چند مفید مشورے بتاتی ہیں وہ کہتی ہیں کہ:
گھریلو طریقہ:
ڈاکٹر عائشہ کہتی ہیں کہ: '' روزانہ ایک آلو کو اچھی طرح ابال کر اس کو کچلا کرلیں اور اس میں اُبلے ہوئے جو کو بھی شامل کرلیں اور اس پیسٹ کو چہرے پر لگائیں اس سے نہ صرف چہرے پر گلو آئے گا بلکہ اضافی بالوں کے خلاف یہ ایک اچھا ٹونر بھی ہے۔ ''
مذید بتاتی ہیں کہ:
'' لیموں کے رس میں چینی اور تھوڑا سا پانی شامل کرکے اچھی طرح پکائیں، اس کا شیرا تیار کرلیں اور اس کو ٹھنڈا کرکے چہرے پر لگائیں، خشک ہونے پر اس کو انگلیوں کی مدد سے رگڑ کر چہرے سے اتاریں ا طرح آپ کے چہرے پر موجود اضافی بال بھی نکلنے لگیں گے اور سکن گلو بھی کرے گی۔ ''
ایک اور ٹپ:
'' ایک چمچ ہلدی، ایک چمچ ویزلین اور چار چمچ دودھ میں اچھی طرح مکس کرکے پیسٹ تیار کرلیں، اس کو چہرے پر اپلائی کریں بالوں کی جڑیں اس سے کمزور ہونے لگیں گی اور کچھ وقت بعد یہ بال خود بخود نکل آئیں گے۔ ''